CALBAYOG City--Pito ka mga tawo, lakip niini tulo ka mga estudyante ug usa ka maestro nasikop sa anti illegal drug operation sa kapulisan ug Philippine Drug Enfrocement Agency (PDEA) 8.
Ang operasyon gihimo sa Purok 7, Mira Flor Subdivision, Barangay Dagum ning siyudad alas 2:30 sa kadlawon, Lunes, Marso 18, 2019.
Matod ni Police Superintendent Joie Pacito Yape Jr, kinsa nidumala sa operasyon, tuyo sa mga awtoridad ang usa ka Grade 7 nga si Rolando Aclado Jr., 20.
Gisunod pagpuhag sa mga awtoridad ang drug den diin nasikop sila si Teofilo Jason Aclado, 35, maestro; Joselito Estrelles, 21, Grade 8; Alberto Emparado, 23, Grade 10; Junjun Duraman, 19; Marlom Moriles ug ang tag iya sa drug den nga si Rolando Aclado Sr. (JKDP)