SECTIONS
Wednesday, August 21, 2019
SUPERBALITA CEBU

Konsehal ‘ilegal’ nga nanagat, nasikop

ALBUERA, Leyte--Nasikop sa kapulisan ang usa ka municipal councilor ning lungsod gumikan sa ilegal nga pagpanagat.

Giila ang nadakpan nga si Konsehal Miguel Retuya, 70, taga Barangay Poblacion.

Gawas nga giingong nigamit og ilegal nga kahimanan, diha usab siya nanagat mga duha ka kilometro gikan sa baybayon nga gidili sa commercial fishing.

Base sa report sa Police Regional Office (PRO) 8, nihimo og seabourne patrol ang kapulisan sa lungsod uban sa Bureau of Fisheries and Aquatic Resources (BFAR).

Mga alas 10:30 sa buntag, Biyernes, Marso 15, 2019, naabtan nila ni Police Officer 1 Christopher Caramonte sa Albuera PNP ug Johan Manoel Avorque sa BFAR ang konsehal nga nanagat sa kadagatan sakop sa Brgy. Balugo ug Damulaan.

Naaktohan sa awtoridad nga ilegal ang gihimo niini nga panagat nga pinaagi sa sinsoro.

Nasuta sa taga BFAR nga nanagat ang konsehal duha kilometros gikan sa baybayon sa Albuera.

“He should not be doing that. Yung gamit niya ay commercial fishing vessel. 3 gross tonnage na ang vessel niya, so, dapat 15 kilometers yung layo niya sa shoreline,” matod ni BFAR 8 Director Juan Abaladejo.

Gawas niini, nigamit usab og iligal nga fishing paraphernalia ang konsehal.

Gidala sa estasyon sa kapulisan ang konsehal samtang gikustodiya sa BFAR ang fishing boat niini ug mga gamit mga mokabat og P1,000,000.

Si Abaladejo nga nahinabi sa Superbalita Cebu niingon nga sila mismo mopasaka og kasong administratiba ug kriminal batok sa konsehal.

Hatagan usab ni Abaladejo og kopya ang Department of Interior and Local Government (DILG) sa kasong ipasaka.

Nag unang panginabuhian sa Albuera ang pagpanagat.

Matod ni Abaladejo, sa Eastern Visayas, 122 ka munisipalidad ang way hugot nga implementasyon sa anti illegal fishing law, diin usa na niini ang Albuera.

Ang BFAR ug PRO 8 dunay kasabutan nga magtinabangay sa pagsumpo sa ilegal nga pagpanagat lukop rehiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph