SECTIONS
Wednesday, April 24, 2019
SUPERBALITA CEBU

Nalzaro: ‘Too much love can kill you’

Saksi

NADAKPAN na og gani gipasakaan na og kaso sa taga NBI ngadto sa piskaliya sa Lapu-Lapu City ang usa 17 anyos nga lalaki kinsa gi-ingon nga maoy responsable sa niluog nga pagpatay ni Christine Lee Silawan, kansang patay’ng lawas nakit-an sa halapad nga hawanan sa sitio Mahayahay, Barangay Bankal, Lapu-Lapu City sa miaging semana.

Ug kay menor de edad pa man lagi ang suspetsado, dili puwedeng hinganlan sa media ug dili ipaklaro ang iyang dagway. Tungod kay dunay balaod nga nag-protiher sa mga minor de edad nga makahimo og salaod nga mapublikar ang ilang identity. Gika-ingon nga may relasyon ang suspetsado ug ang biktima. Unang na-trace up ang Facebook account sa suspek diin nagbutyag nga nagsabot ang duha nga magkita.

Manag-uyab ang suspek ug si Christine apan nagbuwag niadtong Pebrero 28. Nakita sa CCTV footage nga gisugat sa suspek ang dalagita sa simbahan ug nagkuyog silag panglakaw. Onse ka mga CCTV footages ang nakuha sa NBI nga nagpakita nga silang duha ang nagkuyog. Matod pa selos ang motibo sa pagpatay. Mao nay gi-ingon nga ‘Too much love can kill you’.

Apan ang mga kabanay ug mga higala sa akusado nagkanayon nga dili ang maong batan-on ang anaa sa CCTV footage kay nagduwa kini og basketball nianang mga orasa. Grade 7 ang akusado sa Maribago National High School. Ang akusado ra gyud ang makatubag nganong giingon ato niya sa pagpatay ang dalagita. Gilaplap ang nawong, gidunggab sa 30 ka higayon, giloglog ang ubol-ubol, gikuha ang dila ug giabis ang usa ka dunggan. Basin og high gyud sa drugas. Posibleng dili lang usa ka tawo ang naghimo niadto.

Kining maong kalambuan morag duol-duol na sa tinuod. Dili sama nidtong unang pangalan nga mitumaw nga si Jonas Bueno nga gi-ingon sa kapulisan nga “person of interest” kay usa siya sa mga suspetsado sa pagpataya sa mag-uuma sa Danao City nga gipanitan usab ang nawong sa biktima. Siya na gyud kaha? Maayo og siya na aron mataral sa hukmanan ug pagabayaran ang salaod nga iyang nahimo. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!