ADUNAY hangyo ang Commission on Election (Comelec)–Northern Mindanao ngadto sa katawhan nga unta makiglambigit sa eleksyon dili lang tungod kay maghunahuna pilay madawat gikan sa usa ka kandidato o ba kaha himoung pustahanay.
Matud ni Comelec–Northern Mindanao Regional Director Jay Balisado nga kining mga solidarity walk ug mga forum kinahanglan pakiglambigitan sab sa katawhan.
“Those are the activities nga atong gi-undertake hoping nga maka generate ni siya og awareness sa atong mga katawhan pod to take the election seriousy dili kay’ pila kahay akong madawat ron?” matud ni Balisado.
Ang eleksyon dili susama nianang maghuna-huna nga pilay madawat ug gani adunay pipila himoun lang nga pustahay.
“Election is not something like that one privilege denied to many so kita usahay nahimo na nga yaga-yaga ug uban gapustahana kinsay modaog which is by itself election offense they don’t bet on the result of election,” matud niini.
Dugang niini nga ang mga kandidato susama sa nag-aplay og trabaho unya ang mga employer o ang mopili ang katawhan.
“Kana bitawng manarbaho ta sa gobyerno gi-required man ta nga nahuman sa kurso, gi-required og civil service eligibility pero kining mga kandidato ang requirements who is able to read and write, wala na giapili ang able to read and write and understand,” matud niini.
Unta ang katawhan mopili og tarong ug insakto nga namunoan ug kadtong walay mga daghang isyu.
“So atong tan awon kay anang panahona they are actually applying for the job kita maoy ga interbyu nila in such a way nga panahona nga okay atong botaran,” matud niini.
Sa umaabot Marso 29 na ang campaign period sa mga local nga kandidato.