SECTIONS
Wednesday, April 24, 2019
SUPERBALITA CEBU

Power Camp: sayo nga magrehistro

ARON paghatag og igong higayon, mopahigayon og sayong pagpangrehistro ang Power Play Basketball Camp nga sugdan karong Abril 3 diha sa Lapu-lapu City Auditorium.

Si kanhi PBA player ug training director Larry Villanil mibutyag nga ang sayong pagpangrehistro ipahigayon karong Marso 30 ug 31 sa alas 8:00 sa buntag ngadto sa alas 11 sa udto diha ra gihapon sa Lapu-lapu Basketball court (kilid sa Lapu-lapu City church).

Matod ni Villanil, kanhi sakop sa Barangay Ginebra panahon ni coach Robert Jaworski, nga ipahigayon ang session sa adlawng Lunes ngadto na sa Biyernes gikan sa alas 7:30 sa buntag hangtod sa alas 10.

Gawas sa dakbayan sa Lapu-lapu, motapon usab ang Power Play sa Gabi Gym sa lungsod sa Cordova nga mosugod sa Abril 8. Kini himuon gikan sa ala una hangtod sa alas 3 sa hapon sa adlawng Lunes, Miyerkules ug Biyernes.

Dili pa igo, mopalapad ug mobingat usab kini sa Ibabaw, Istancia Gym, sa dakbayan sa Mandaue. Kini mosugod sa Abril 9, 2019 diin ang session ipahigayon matag Martes, Huwebes ug Sabado sa alas 2:00 hangtod sa alas 4 sa hapon.

Alang sa dugang detalyi, si Villanil miawhag sa mga interesado sa pag-text o tawag sa 09235656206. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!