SECTIONS
Friday, July 19, 2019
SUPERBALITA CEBU

PBA: Katropa batok Dyip; Magnolia vs. Blackwater

MGA duwa karon:

4:30 p.m. - TNT batok Columbia

7:00 p.m. - Magnolia batok Blackwater

Bisan pa man tuod og nakasiguro na og luna sa playoffs, apan target sa gihapon sa TNT KaTropa ang top two human sa elimination round sa PBA Philippine Cup.

Naglingkod sa ikatulong puwesto, at least, sa pagkakaron, ang TNT aduna pay gamayng kahigayonan nga makalangkat og usa sa duha ka nag-unang lingkuranan nga maghatag kanila sa twice-to-beat advantage.

Karong gabii ilang ikasangka ang Columbia Dyip sa alas kuwatro y media ang takna sa kahaponon sa Ynares Center sa Antipolo.

“Every game is very important for us because we have a chance na maka-top two,” matod ni TNT coach Bong Ravena sa dihang gikahinabi sa PBA.ph. “Kaya every opportunity na dumating we have to grab it.”

Anaa man tuod nila ang bintaha sa tapad, apan gipaabot nga saktong kombati ang ilang sagubangon batok Columbian Dyip kinsa aduna pa gihapoy gamayng gingi sa ilang paglaom sa sunod round.

Ang kadaugan batok sa TNT makahatag sa Dyip og kahigayonan sa playoffs, depende sa resulta sa ubang mga duwa.

Sa main game, pahugtan sa Magnolia Pambansang Manok ang ilang pagsulod sa playoffs batok sa nataktak na nga Blackwater Elite sa duwa nga mosugod sa alas 7 sa gabii.

Wala na man tuoy pag-asa alang sa sunod round, apan gusto sa Blackwater nga tuldokan og kadaugan ang ilang panamilit. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph