SECTIONS
Friday, July 19, 2019
SUPERBALITA CEBU

Do-or-die battle sa Mandaue City

KRUSYAL nga mga duwa maoy modayandayan karong adlawa sa paghibalik sa 3rd Cebu Governor’s Cup Inter-Cities/Municipalities 21-under basketball tournament nga ipahigayon sa managlahing dapit.

Apan ang gipaabot nga mokuha og atensiyon mao ang Mandaue City kinsa makigsangka sa Cordova sa inusarang panag-engkuwentro sa 6th district nga ipahigayon sa Mandaue City Sports Complex.

Ang Mandaue, usa sa mga title-contender sa maong tournament, ang nag-ungaw karon sa posibling sayo nga pagkataktak human kini gisagunsonan og kapukan sa unang duha ka duwa niini.

Gipildi sila sa Consolacion, 86-85, niadtong Biyernes ug gipakaging kini sa Cordova nianang pagka Dominggo, 89-88.

Aron malikayan ang sayong bakasyon, kinahanglan haruson sa Mandaue ang duha ka nahabilin nga duwa niini ug kini masugod karong gabii sa ilang pagpakig-rematch sa Cordova.

Si Mandaue City headcoach Gary Cortes malaumon gihapon nga makabangon ug mobawi ang iyang mga batos.

Sa 1st District, ang defending champion Talisay City Aquastars mosungkit sa ilang ikaupat nga sunodsunod nga daog batok sa Carcar City (1-2) sa Minglanilla Sports Complex.

Apan gilantawang kulbahinam nga panagtakos mao ang panagsangka sa Minglanilla (1-2) ug sa Naga City (2-1) kinsa maoy mag-ilog sa ikaduha ug katapusang puwesto alang sa playoffs.

Sa 3rd District, suwayan sa pagbawos sa Tuburan Coffee Makers (1-1) ang Balamban Ship Builders (2-0) sa ilang rematch nga ning higayona adto duwaon sa Buanoy Sports Complex sa Balamban.

Sa una nilang sangka, gipatapsingan sa Balamban ang Tuburan, 77-76, sa overtime.

Sa 7th District, Mag-abot ang Ginatilan ug Malabuyoc sa alas 6 sa gabii sa Alegria Municipal Gym samtang ang host Alegria mosakbang usab sa Badian. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph