MAGPAPILI sa pagka-mayor sa lungsod sa San Fernando, Ruben Feleciano, niangkon nga iyang supporter ang gipasakaan og reklamo sa Cybercrime Group sa Philippine National Police nga si Shilbert Encabo.
Nasikop ang usa ka Shielbert Michael Encabo, alyas Rachel Pollo, taga Purok Lovebird, Barangay Poblacion, lungsod sa San Fernando, kinsa gireklamo ngadto sa Cybercrime Group 7 sa usa ka negosyante sa lungsod sa San Fernando, niadtong Myerkules, Marso 20.
Gipasakaan usab dayon kini og kaso nga cyber libel.
Gani gawas sa maong kaso gikan sa usa ka negosyante, lain pa nga mga warrant of arrest ang nagpaabot kang Encabo human siya ang gitumbok nga mi post sa Facebook page sa drug list o kill list sa mga kaalyado ni San Fernando Mayor Lakambini ‘Neneth’ Reluya.
Si Feliciano, kaatbang ni Reluya sa Mayo nga eleksyon, niangkon sa mga tigbalita nga supporter ug kaila niya si Encabo.
Kay alang kaniya tanan nga taga lungsod sa San Fernando iyang mga tigpaluyo.
“Politika na, pamolitka na kay political season karon.Tanan supporter nako, even Reluya is my supporter..of course kaila nako, kay modagan gud ko’g mayor. Syempre kaila ko sa tanan, tanan sa San Fernando kaila nako,” pamahayag ni Feliciano ngadto sa mga tigbalita. (FMD)