SECTIONS
Thursday, June 27, 2019
SUPERBALITA DAVAO

Showdown

ANG Lyceum of the Philippines University (LPU) Pirates nagtumong nga makapanukad og balik sa pakigharong nila sa Dela Salle University (DLSU) Green Archers alang championship trophy sa 82nd Araw ng Davao college invitational basketball tournament, Huwebes sa gabii sa Almendras Gym Davao City Recreation Center.

Ang NCAA runner-up LPU, gisuportahan sa CM Farm, wa kasugakod sa DLSU, napildi sila sa elimination round, 95-98, Miyerkules sa gabii, Marso 20.

Tungod niini, ang DLSU nanguna sa liga, may limpyong rekord nga 3-0 tali LPU nga 2-1.

Sila Green Archers Jollo Go ug Errol Bonggay mikumboya og tag-14 puntos, diin si Justin Baltazar midugang og 10.

Si Pirates import Mike Harry Nzeusseu miiskor og 25 ug ang teammate Reymar Caduyac mikamada og 15.

Si Pirates assistant coach Gilbert Malabanan nagsulti nga nag-adjust sila sa depensa dihang nakigduwa sila sa Green Archers alang sa titulo.

“Andaming transition baskets nila pati outside shooting so dapat iwork out namin ang defense. Hopefully we can bounce back, nagpahinga lang ang players today for tonight’s game,” niya atol sa pakighinabi sa SunStar Davao, kagahapon.

Niya ang Pirates moduwa sa samang intensity uban ang “heart and pride” sa finals.

Samtang si DLSU associate head coach Gian Nazario, nagsulti nga malipayon sila sa duwa ug sa paghangop sa mga Dabawenyos sa ilang pagduwa.

“I think hopefully ma match yung laro kagabi. Nakita namin ang crowd stayed until the final buzzer. In the finals, we will play the same with how we approach every game, to just do the right things, do what’s good for the team and get everyone else involved,” ni Nazario.

Ang University of the East (UE) Red Warriors miduwa alang sa ikatulong pwesto kontra University of Cebu (UC) Webmasters. Gipildi sa UE ang UC, 81-77, sa elimination game Miyerkules.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph