SOLEMNE ug mabulokon ang pagpanumpa sa mga opisyal ug miyembro sa Kadaugan sa Mactan Eagles Club o naila sab nga Fraternal Order of Eagles, Philippine Eagles niadtong Marso 16, sa Bellavista Hotel, Lapu-Lapu City.
Ang national president sa maong pundok nga si Eagle Conrado Cedeño maoy mipapanumpa sa bag-ong napili nga opisyal ug sakop niini.
Samtang gidawat sab ni Eagle Gazbamiller Guzman ang tahas ug responsibilidad isip charter club president.
Mitambong usab si Eagle Danilo Roleda, senatorial bet sa United Nationalist Alliance nga mihatag sa iyang mensahe nga ma-isip na nga usa na sila ka pamilya niining ilang pagpasakop nga maghiusa sa pagtunol sa bisan unang civic activity nga alang sa kaayuhan sa kinabag-an. (PR)