NILUSAD sa pagpanguha sa crown-of-thorns starfish ang Department of Environment and Natural Resources (DENR) 7 kagahapon, Huwebes, Marso 21, aron mapugngan ang posibleng pagdaghan niini tungod sa kainit nga panahon.
Si Mario Marababol, marine biologist, mipasabot nga ang crown-of-thorns starfish natural nga nagpuyo og makit-an sa mga coral reef.
Kini mitabang sa pag-regulate sa coral reef species. Apan tungod sa anthropogenic impact o human disturbance sama sa overfishing, habitat destruction ug uban pa, nahurot ang natural nga predator nga mokaon maong klase sa starfish, diin modaot sa corals kon modaghan na. (HBL)