SECTIONS
Thursday, July 18, 2019
SUPERBALITA CAGAYAN DE ORO

MisOr guv kang Uy: Pangayog pasaylo sa media

ANGAYAN nga mangayo og pasaylo si Misamis Oriental 2nd District Congresswoman Juliette Uy ngadto sa sakop sa media nga giingong gipakaulawan niini atol sa usa ka kalihokan sa Congressional hearing sa basura gikan sa South Korea, sa lungsod sa Tagoloan, Misamis Oriental niadtong Marso 14.

Kini ang gibutyag ni Misamis Oriental Governor Bambi Emano, human nasubo kini sa gihimo sa kongresista ngadto sa reporter sa Magnum Radyo nga si Menzie Montes nga giingong gitawag niining “espiya sa violet.”

Ang kolor nga violet mao ang political kolor ni Emano labina sa ilang partido sa PaDayon Pilipino.

Lakip ang Cagayan de Oro Press Club pinaagi sa presidente nga si Richie Salloman nagpaabot sa atensyon ni Uy nga dili maayo ang gihimo niini ngadto kang Montes.

“The Cagayan de Oro Press Club (COPC) would like to call the attention of Misamis Oriental 2nd District Rep. Juliette Uy for allegedly accusing Magnum Radyo reporter Menzie Montes of ‘spying for the violets,’ probably alluding to the lawmaker's political opponents during an ocular inspection in relation to the Congressional hearing on the imported plastic garbage from South Korea, in Tagoloan, Misamis Oriental on Thursday, March 14,” matud niini.

“We find Rep. Uy's attitude on that particular incident not befitting of a public official. We would like to remind the congresswoman that the reporter's job is to gather news and report the same to the public,” dugang niini.

“The COPC sees nothing wrong with taking pictures of government officials doing their offcial function as this is a part of news-gathering process. We ask that Rep. Uy issue an apology to Ms. Montes and let journalists do their job in the name of public interest,” mao kini ang unod sa pahayag sa COPC.

Apan giingong imbes nga mangayo og depensa ang kampo ni Uy nagsige og post sa social media kining iyang mga sakop ug pagpangatake dili lang ngadto kang Montes apan gilakip na niini ang presidente sa COPC nga si Salloman.

Butang nga nakahatag og reaksyon si Emano atol sa iyang radio program niadtong adlawng Huwebes.

“Uyon ko sa COPC nga angayan mangayo og pasaylo ang kongresista tungod ba kay mapahitas on siya tungod ba kay bahandianon siya tungod kay daghan kaayo siya og kwarta dili nalang mangayo og pasaylo?” kini ang gibutyag ni Emano.

Matud ni Emano nga ang pagpanginsulto ni Uy sa sakop sa prensa pagpakita sa kawalay respeto ug gani daw siya mismo dako kaayo og pagyukbo ug pagtahod sa mga sakop sa prensa tungod kay kini sila naningkamot sa ilang trabaho.

“Samtang dunay kalihokan maningkamot kini atong mga igsuon sa prensa nga mokuha og balita kay mao man ilang trabaho usahay ag kasaypan paman gani. Mao gyud tawon na ilang trabaho kay kanang atong miyembro sa prensa nabuhi tawon na sila sa ilang suholan sa pagkuha og mga balita isugal man gani nila ilang kinabuhi, ma-sunog, ma-linog, ma-baha apil gubat mag bulletproof ug helmet para lang makakuha og balita,” dugang ni Emano.

Ang reporter nga si Montes nibutyag nga gibahad-baharan na hinoun siya imbes nga mangayo og depensa ilang kampo.

Dugang niini nga kung dili mohunong sa pagbahad kaniya ug mga pasangil nga dili pulos bakak siya na ang magreport niini sa kapolisan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph