NALUSAPAN ang usa ka dalaga human nga nakitang nag-masturbate samtang nanglili sa dihang naligo ang biktima niadtong Marso 19, mga alas 4:20 sa hapon, sa Landing area, Bulua, dakbayan sa Cagayan de Oro.
Ang suspestado naila nga si Erjun Sulatan, laborer nga taga Kibanggay, Lantapan, Bukidnon samtang ang biktima naila nga si Rhea (dili tinuod nga ngalan), 21, dalaga ug residente sa Talakag, Bukidnon apan kasamtangang nanimuyo sa nahisgutang dapit.
Sa nahipos nga impormasiyon, gikabutyag nga samtang naligo kini wala kini nasayod nga nanglili si Sulatan sa bangag sa salog paingon sa bungbong sa pansayan sa mga panglalaki ug nakurat na lamang sa dihang namatikdan nga dunay nanglili ug nakita si Sulatan nga posibleng nag-masturbate nga gikapungot ni Rhea.
Giingong nataranta kini hinungdan nga nagsinggita ug nangayo og tabang.
Dali usab nga nitabang ang mga nagpakabanang katawhan ug gituktok ang pultahan diin nagtago si Sulatan.
Gipanghimakak usab sa suspek ug giingong igo lamang nga nanglaba.
Ang maong insidente ang nakatala na sa buhatan sa kapulisan sa Police Station 7 sa Bulua ug giduso na sa Barangay Lupon.