Naa gihapo’y adik sa Davao; kapulisan, mas miigmat pa

BISAN sa gipakusgan nga pagbatok sa gidili nga druga sa Davao City, naa gihapo’y wala mahadlok sa otoridad.

Ulahing nasikop sa kamot sa San Pedro Police Station sila Albert Mabilanga Renegado, alyas Bobot, 23, residente sa Saint John, Brgy. 76-A, Bucana, Davao City ug si Rodel Torino Vivas, alyas Bibas, residente sa Matina Aplaya ning dakbayan.

Huwebes sa gabii, Marso 21, gipahigayon ang drug bust ug malampusong nasikop ang duha pinaagi sa ilang pagbaligya og gituohang shabu nga mokantidad og P2,500.

Ang duha dugay na nga gina-monitor sa kapulisan, human migawas ang ilang mga pangalan gikan sa usa sab ka suspek nga naunang nasikop sa kapulisan.

Tanggong karon ang duha sa prisohan, ug nanganti ang kapulisan nga di gyud sila mohunong sa ilang kampanya sa pagbatok niini. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph