SECTIONS
Wednesday, April 24, 2019
SUPERBALITA CEBU

Binghay: Magkina-ugalingon o mangipon?

Kukabildo

LAHI ra kaayo kung itandi nato ang pagpadako sa atong mga anak dinhi o sa gawas.

Ngano? Sa ila didto kung mag-edad na og 18-anyos pataas, ila ng palayason ilang mga anak aron sila ma indipendenti ug magkina-ugalingon.

Lahi sa ato kay kung mahimo bisag unsa na ka guwang basta di pa ka barog og kina-ugalingon, ato pa gihapong pa puy-on. Ang uban gani bisag, na minyo na, pa ipunon pa gihapon kay maluoy o di ka-ako magtan-aw nga nagkalisod-lisod o ba kaha para maka-menus gastos sa abangan, tubig, suga ug pagkaon.

Atong tukion kung unsay posibling mahitabo kung padayong mangipon ang bag-ong magti-ayon.

Pagbahin sa bayranan. posibli nga manghilabot ang ginikanan kung unsaon pag-gasto o bahig sa kita total libre naman ang abang sa pinuy-anan. Usahay, kini hinuon maoy mahimong hinungdan sa panagbangi o way pagsinabtanay kay modako naman hinuon ang gasto kaysa mangabang.

Sunod, unsaon man pagbahig ang trabahoan sulod sa balay? Di kalikayan nga duna gyoy panahon nga kapoy gikan sa trabaho unya di ka ganahan mang limpyo, mauwaw man sab ka nga di molihok o motabang kay nangipon ra man ka. Lahi ra gayod ang magkina-ugalingon kay ikaw man ang magbuot ug manag-iya sa imong oras.

Kining privacy usa sab ka butang nga angay hinuktukan kay magpangikog ka naman og lihok o dayag sa imong gibati ngadto sa imong kapikas kay basig madunggan unya sa ginikanan o in-laws. Sa gusto nimo o dili, kini maka -apekto sa imong ka-relasyon kay magkinto naman hinuan ka sa imong mga pulong ug buhat kay lagi duna may nagtan-aw o naminaw. Samot kung mo dapig o mo laban na ang way labot kay nagpahaba. Ang ending, mo layas ang di maka-agwanata.

Kung moabot ang higayon nga di magkasinabot sa huna-huna ug pulong labi na kung manganak, dunay mo guwa nga konsentidor labi na sa pag-disiplina o atiman sa mga bata.

Busa una mo desisyon nga mangipon, angay hinuktukan ug balikan kining maong lindog kung gusto ba nimong maka menus gastos o mabungkag ang imong relasyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!