SECTIONS
Wednesday, April 24, 2019
SUPERBALITA CEBU

11 ka bata naluwas; 5 ka bugaw sikop

LIMA ka mga bugaw ang nasikop samtang 11 ka mga menor nga biktima sa maong ilegal nga aktibidad ang nasagop sa awtoridad atol sa nagkadaiyang operasyon sa dakbayan sa Lapu-Lapu, Huwebes, Marso 21.

Labing bata nga na-rescue nagpangedaron og 2-anyos samtang ang mga nasikop nga online traffickers pulos mga babaye.

Nahitabo ang operasyon niadtong Huwebes sa alas 10 sa buntag sa duha ka mga panimalay sa Lapu-Lapu.

Inubanan sa Philippine National Police (PNP) Women and Children Protection Center - Visayas Field Unit nasikop ang lima nga gigamit ang mga bata diin gibugaw kini online aron makakwarta.

“Today’s three simultaneous operations and arrest of 5 suspected online traffickers reflect strong commitment and coordination by WCPC Visayas, DSWD 7, IACAT 7, and Lapu-Lapu Police,” matod ni Atty. John Tanagho, International Justice Mission (IJM) – Cebu Field Office Director.

Dugang ni Tanaghao nga tungod sa padayon nga gihimo karon sa kapulisan ug sa gobyerno nga hugot ang pagpanakop niining bugaw sa online, mas dali na mapahibawo ang kasamtangan nga naghimo niining ilegal nga buhat nga sa prisohan gyud sila mopaigon.

Ang 11 ka mga na-rescue siyam niini babaye samtang duha ang lalake anaa nagpangedaron sa 2 ngadto sa 17-anyos.

Anaa na karon sa kustodiya sa Department of Social Welfare and Development (DSWD) ug gipaubos sa trauma-informed interventions.

Gihangop usab ni WCPC-VFU Chief Romeo Perigo ang kolaborasyon sa nagkadaiyang ahensiya aron masikop ang mga bugaw, “WCPC VFU will continue its operational activities in our area of responsibility to bring suspects in the court to face trial of their crimes.”

Mag-atubang og kasong kalapasan sa Anti- Trafficking in Persons Act o ang Republic Act (RA) 9308 ang mga nasikop diin mag-atubang kini og P2 milyones ngadto sa P5 milyones nga multa ug mapriso sa tibuok kinabuhi. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!