Lugar nga way sakyanan paagi-on tun-an

ANG mga consultant sa Planning and Development Research Foundation, Inc. sa University of the Philippines (UP) PLANADES ang nakakuha sa kontrata alang sa paghimo og pagtuon sa posibilidad nga paghimo sa pipila ka urban roads ug spaces sa dakbayan sa Sugbo alang sa pedestrianization o dili pagpaagi og mga sakyanan.

Si Efren Carreon, director sa National Economic and Development Authority (Neda) 7, nibutyag nga nagpadayon ang gihimong pagtuon nga gisugdan niadtong Enero ning tuiga human ma-award ang kontrata ngadto sa UP Planades niadtong Disyembre sa miaging tuig. Kini molungtad sud sa walo ngadto sa siyam ka buwan.

Ang UP PLANADES, natukod niadtong May 10, 1977, kay usa ka non-stock, non-profit foundation nga naghimo og research, consultancy ug extension services, academic development ug training sa environmental, urban ug regional planning nga ang usa sa nag-unang katuyoan mao ang paghatag og technical assistance sa publiko ug pribadong sektor sa lainlaing mga asperto sa urban ug regional planning apil ang project development, management ug feasibility studies.

Ang Neda 7 nigahin og P3.5 milyones alang sa maong pagtuon nga gipaabot mahuman sa dili pa matapos ang 2019.

“The study really is to come up with an impact assessment converting some roads to pedestrianization. And then we want also to get the recommendation on how best to implement pedestrianize road, unsaon ba ang pinaka the best,” matod ni Carreon nga nahinabi sa mga tigbalita human sa unang full council nga tigom sa Regional Development Council (RDC) 7 niadtong Biyernes, Marso 22. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph