SECTIONS
Sunday, June 16, 2019
SUPERBALITA CEBU

Babaye, ‘runner’ sa shabu, gipatay

PATAY ang usa ka 32 anyos nga dalaga human ni pusila sa wala pa mailhing armadong lalake pasado alas 4 sa Biyernes sa kaadlawon, Marso 22, sa Bayanihan village, Barangay Quiot, Siyudad sa Sugbo.

Ang biktima giila sa iyang kanhi kapuyo nga si Janice Bayarcal, nagpuyo ra usab sa maong lugar.

Duha ka wa mailhing mga lalake ang giingong ninggukod kaniya ug sa dihang naabtan sa iyang gitagoan nga ilawom sa usa ka puti nga Toyota Hilux, gipusil kini.

Matod ni Chief Insp. Keith Allen Andaya, hepe sa Labangon Police Station, wa pa nila mailhi kinsa ang mga killer.

Ipatawag pa niya ang kanhi kapuyo sa biktima kay ilang nasayran duna kini nahibaw-an.

Si Andaya niingon nga sa ilang pasiunang imbestigasyon, nitug-an ang kapuyo, kinsa wa nila nganli, nga si Bayarcal mosuyop og shabu. Usa ni sa hinungdan nga gibiyaan sa kapu yo tungod sa bisyo sa ilegal nga drugas.

Nagtuo si Andaya nga personal nga atraso ang hinungdan sa krimen nga may kalabutan sa ilegal nga drugas.

“Among nahibaw-an nga sugoon ni siya pagpalit og illegal drugs, kanang murag runner gani. Kon naay manugo niya, siya ang mopalit,” matod ni Andaya. (AYB, JMT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!