SECTIONS
Monday, April 22, 2019
SUPERBALITA CEBU

Road-right-of-way nakalangay

NAKASINATI og kalangay ang pagpalapad sa karsada sa United Nations Avenue, siyudad sa Mandaue; pagpatuman sa Mactan Circumferential Road ug Metro Cebu Expressway gumikan sa isyu sa road-right-of-way.

Tulo kini sa 95 ka infrastructure projects sa Central Visayas nga dunay kinatibuk-ang kantidad nga P7.6 bilyones nga nakasugat og kalangay sa pagpatuman, usa na niini tungod sa isyu sa RROW.

Si Kenneth Cobonpue, chairperson sa Regional Development Council (RDC) 7, nisugyot sa Department of Public Works and Highways (DPWH) 7 nga dili ang ilang mga abogado ang ipadala sa pakigsabot sa mga tag-iya og luna nga paliton alang sa RROW.

“Because if you send a lawyer with a letter immediately the lot owner will also respond right away with another lawyer and it never ends,” sumala ni Cobonpue atol sa unang quarter nga full council meeting sa RDC 7 niadtong Biyernes, Marso 22, sa Montebello Villa Hotel, siyudad sa Sugbo.

Matod niya, andam ang mga pundok sa magpapatigayon, sama sa Cebu City Chamber of Commerce and Industry ug Mandaue Chamber of Commerce and Industry nga makigsabot sa mga tag-iya og luna aron mabaligya ngadto sa gobiyerno.

Si Edgar Tabacon, regional director sa DPWH 7, namahayag nga dako og ikatabang ang mga pundok sa mga negosyante.

“Siyempre ang private sector daghan baya kaayo sila og kaila even sa business groups, mga negosyante baya sad mga tag-iya anang mga properties affected makatabang gyud sila, nindot kaayo,” pamulong ni Tabacon dihang nahinabi sa Superbalita Cebu.

Base sa Project Information Management System (PIMS), 95 ka infrastructure projects ang nakasugat og kalangay sa pagpatuman, 57 ka mga proyekto nga nagbalor og P2.02 bilyones ang nasuspenso samtang 26 ka mga proyekto nga nagbalor og P4.5 bilyones ang na-terminate.

Si Nonato Paylado, chief of the planning and design division of the DPWH 7 unang nibutyag nga nasuspenso ang pagtrabaho sa Segment 3 sa MCE habig sa dakbayan sa Naga, gumikan sa isyu sa RROW human ang uban sa mga tag-iya og luna nga maapektuhan sa proyekto kay way mga dokumento magmatuod nga sila ang nanag-iya. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!