SECTIONS
Tuesday, June 25, 2019
SUPERBALITA CEBU

Negros Oriental ipasaka sa 'Full Alert'

NEGROS ORIENTAL. Sugod Marso 25 isaka na sa PRO 7 full alert status sa tibuok probinsya sa Negros Oriental tungod sa nagsingabot nga 50th founding anniversary sa NPA. (Google Maps)

SUGOD Lunes, Marso 25 isaka na sa Police Regional Office 7 ang ilang alert status gikan sa normal ngadto sa full alert sa tibuok probinsya sa Negros Oriental.

Kini tungod sa nagsingabot nga 50th founding anniversary sa New People’s Army (NPA).

Matod ni Chief Superintendent Debold Sinas, iyang dugangan og daghang puwersa ang matag police station sa maong probinsya.

Dili mokompyansa ang kapulisan sa Central Visayas sanglit kanunay na nga aduna'y himuon nga pagpangatake ang mga rebelde panahon sa pagsaulog sa ilang anibersaryo.

Nakadawat og impormasyon ang intelligence unit sa PRO 7 nga molusad sa pagpangatake ang mga rebelde sa maong adlaw.

Matod ni Sinas nga huwaton nila ang mga NPA sa mga police station ug andam sila nga makigbinayloay og bala kon ilusad sa mga komunista ang pagpangatake.

Nimando usab si General Sinas sa Regional Mobile Force Battalion 7 nga molusad pagpatrolya sa mga bukirang dapit sa Negros Oriental human makadawat ug kasayuran ang kapulisan nga mohimo og pagpang-harrass ang mga rebelde.

“Basta anniversary nila maghimo-himo man sila'g mga gimik ba aron ipa ulaw ang mga istasyon. So i will be reinforcing our police stations, will be alerting it para hulaton nalang namo kon naa gyu'y mahitabo,” matod ni Sinas.

Una nang mideklara si Presidente Rodrigo Duterte nga dili na mohimo og peace negotiation sa mga komunistang grupo.

Ang armadong kusog sa nasud misaka na usab sa ilang alert status nunot sa nagsingabot nga anibersaryo sa NPA.

Gimandoan usab ni General Sinas ang kapulisan sa Negros Oriental nga molusad usab sa pagpatrolya sa mga bukirang barangay nga adunay presensya sa mga NPA.

Aduna na'y mga police station sa Negros Oriental ang gihulga nga sulngon sa mga rebelde apan wala magpadala niini si General Sinas. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph