Dear Papa Joe,
Ako diay si Nimfa, 40 anyos. Ang akong suliran kabahin sa silingan namong minyo. Ako, Papa Joe, kay biyda ko ug napu na ka tuig nga wa gyud ko ka relasyon. Karon kaning tawhan sige og panguyab nako pero minyo. Pero sa tinuod lang nakagusto ko niya. Sa tinuod lang bisan di mi uyab officially, daghan nang mga higayon nga naa nay nahitabo namo.
Akong problema if mamabdos ko. Unsa na lang ang akong buhaton nga naa ra ba koy mga anak. Basin masumsuman na hinuon ko sa mga tawo. Di man gud ni siya moundang kay nahigugma daw siya nako. Palihug ambagi ko.
NIMFA
Nimfa,
Ang akong masulti nimo kay imo gyud na pugson siya u gang imong kaugalingon nga maundang na kay kana iyaha lawasnong kalipay ra ang giapas. Kay wa man gani siya mamugos nga ma official mo mao nga lawasnong kalipay ra nang iyang gusto.
Di lang kay sa mga tawo na istoryahan ka, kon mamabdos ang kuyaw ikiha mo sa iyang asawa. Samot ka dakong uwaw ana. Kasabot ko isip tawo naa sad kay gipangita mao nga nauyunan sad nimo niya. Pag-ampo, Day, nga makakaplag ka og tawo nga way kabilinggan para way hasol.
PAPA JOE
( sa inyong tampo ipadala sa papajoesuperb@gmail.com)