ISIP usa sa mga mabulukong kalihokan sa pagsaulog sa ika-7 nga anibersaryo sa M-Talents, Events and Promotions (M-TEP), ipahgayon ang 'Ms. M-Talents 2019’ sa Ballroom sa Waerfront Cebu City Hotel and Casino karong Sabado, Marso 30, alas 7:00 gabii.
Dili mominos 11 ka mga talentado ug maanyag nga kandidata nga mag-ilog sa korona gipaila sa media pinaagi sa malampusong sa press presentation sa Activity Center sa SM City, Mabolo, dakabayan sa Sugbo niadtong Sabadao, Maro 23.
Ang mga kandidata mao sila si Ninotzchka Antonio, Princess Mae Bajaminde, Caryl Anne Beltran, Riccki Louisse Alvio, Lovely Handog, Charline Bamelis, Kefaiah Al-Zain, Denise Gabrielle Capoyan, Kiara Liane Wellington, Gabrielle Louise Kong, ug Emem Enriquez.
Ang nakoronahan nga Ms. M-Talents 2019’ mouli sa P1 miyunes nga kinatibuk-ang premyo uban sa kontrata sa talent managament sa M-TEP.
Samtang, ang ikaduhang dapit modala sa P300k nga kantidad sa premyo ug P150K nga kinatibuk-ang ganti alang sa ikatulong dapit nga mananaog.
Si Aida Patana, tag-iya sa M-TEP, nagkanayon nga kabahin kini sa ilang pagsaulog sa ika-7 ka tuig nga nagdiskubre sa mga talentado gikan sa Kaisay-an ug Mindanao.
“Naghimo kita og pamaagi nga mahimong taytayan nga sila madiskubre ug mosikat sa natad sa kalingawan dinhi sa sulod ug gawas sa nasod,” matod ni Patana sa Superbalta Cebu, kinsa mapasalamaton kaayo sa tanang spondors nga dakong kabahn sa kalamposan sa kalihokan.
Sa coronation night sa Marso 30, si Patana nagkanayon nga dagko ug sikat nga mga artista ug personahe ang mopasundayag ug mahimong kabahin sa hunta sa mga hurado. (RRM)