SI MARKUS Rolli sa Germany maoy midaug sa pro men's title samtang si Radka Kahlefeldt napabilin ang titulo sa pagtapos sa ikaduhang Alveo Ironman 70.3 Davao, gihimo pagawas ug pabalik sa Azuela Cove, Davao City, Dominggo, Marso 24
Ang 26-anyos nga si Rolli, nga ikaduha lamang sa taga-Bahrain nga si Eric Watson human ang 1.9-kilometer swim, mipakita og gilas sa 90-K Azuela Cove-Tagum City-Azuela Cove biking course sa oras nga duha ka oras ug 50 segundos.
Si Rolli, nga Ironman 70.3 Thailand 2017 champion, mirehistro og total time nga 3:49:29 luyo sa nagpanakit na niyang tiil atol sa 21K run.
"The swim was perfect for me. I came out on the front. In bike I took the risk although it was very hot in the beginning. The run, it was very tough like I started to suffer with my leg muscles, I think I overbiked a little bit. But it was a great day for me. I am very happy to win," suma niya sa pakighinabi sa mga sakop sa media human sa kompetisyon.
Dugang sa bag-ong kampeyon nga dakong dungog sab alang niya nga makalumba ang kanhi kampeyon sa nakalabay nga tuig, si Mauricio Mendez, nga wa makapwesto human maguba ang bisekleta samtang nagdagan ang kompetisyon.
Dugang pa niya: "Three weeks ago, (while in training camp in Phuket, Thailand), I just dreamed about racing with them. Now I actually beat them I'm just happy."
Ang four-time world champion Craig Alexander mioras og 3:52:21 samtang sila Tim Van Berkel (3:53:05) ug Timothy James Reed (3:57:18) mihuman sa ikatulo ngadto ikaupat nga pwesto.
Samtang si Kahlefeldt (4:16:52) mipildi nila Caroline Claudia Steffen (4:19:28) sa Switzerland.
Ang Aussie Kirralee Seidel (4:28:37) mipwesto sa ikatulo.
Ni Kahlefeldt, “It was tough and the whole race was hard since I had to fight it out with Steffen. It’s never easy to beat her.”
Ubang kampeyon: British Thomas Elliott (top age group men overall, male 35-39), Arnaud De Lustrac (male 18-24), Filipino Mervin Santiago (male 25-29), Joel David Liebi (male 30-34),
Jefferson Valdez (male 40-44), Sacha De Bilderling (male 45-49), Andreas Goros (male 50-54), Thomas A. McInnes (male 55-59), Aussie Mike Dunstan (male 60-64), taga Davao City nga si Oscar Escudero (male 65-69), Kilhak Kunimoto (male 70-74), Maria Hodges (top age group women overall, female 30-34), Giulia Bossi ( female 25-29), Rie Watanabe (female 35-39), Veronica Uhen (female 40-44), Rhodora Ellis (female 45-49), Petro Kuiper (female 50-54), M.C Ilagan (female 55-59) ug Bridgette Borelli (female 60-64).