MOPASAKA og motion for reconsideration ang National Bureau of Investigation (NB7 karon, Marso 25, human pagbuhi niadtong Sabado, Marso 23, sa 17-anyos nga suspek sa pagpatay ni Christine Lee Silawan.
Sa paklghinabi sa SunStar Cebu kagahapon, Marso 24, kang NBI 7 Director Tomas Enrile, kini nibutyag nga ang resolusyon sa Lapu-Lapu City Prosecutor’s Office niadtong Marso 22 wala makaapekto sa murder case nga ilang gipasaka batok sa suspek.
Samtang, ang director sa Kapulisan sa dakbayan sa Lapu-Lapu, Limuel Obon, nitug-an nga mas hugot nga koordinasyon ang ilang gihimo uban sa taga NBI-7 human sa pag-release sa giila sa NBI 7 nga ilang primary suspect.
Matud ni Lemuel Obon nga bisan pa niadtong nasikop ang 17 anyos, mas gidoble nila sa kapulisan ang ilang gihimo nga pakisusi sa mga giila usab nila nga mga person if interest sa linuog nga kamatayon ni Silawan.
Giangkon ni Obon sa Superbalita Cebu nga usa ang 17 anyos sa ilang mga persons of interest usab. Dugang niya nga ania sa Central Visayas ang uban nga gitumbok nga person of interest.
Nalubong na si Christine, apan gipasalig ni Obon nga metikuluso nga gihimo ang inbestigasyon ug operasayon sa pag-ala sa suspek. (FMD)