SECTIONS
Wednesday, July 17, 2019
SUPERBALITA CEBU

90 ektarya apektado sa El Niño

NIGAMIT na og drone ang Department of Agriculture (DA) 7 aron komprehensibo ug mas dali nga monitoring sa mga apektadong lugar tungod sa weak El Niño phenomenon.

Giangkon ni Joel Elumba, Regional Techinical director sa DA-7 atol sa interview sa mga tigabalita sa lungsod sa Pinamungajan, nga gisugdan sa niaging semana ang paggamit sa drone alang sa monitoring, diha sa lalawigan sa Bohol ug sa Sugbo.

Gawas sa monitoring, matud ni Elumba nga gamit usab aron pagsuta sa gilapdon sa lugar sa tunga-tunga nga kabisay-an nga natamnan sa kung unsa nga nga root-crops o mga tanum, kon pag-survey.

Gamit usab kini pagsuta kon asa mas maayo ipahimutang ang palno nga dams.

Gigastuhan kini og P2 milyones sa ahensya.

Gitug-an ni Elumba nga sa ilang natala dili pa dako ang apektado nga mga luna sa Central Visayas, anaa kini sa dul-an 90 ektarya 78 ektaryang’ luna niini diha nahimutang sa Mabinay, Negros Oriental.

Samtang, 2.3 ektarya lang ang natala sa probinsya sa Sugbo, diha sa Balamban area sukwahi sa gipagawas nga report sa miaging semana sa provincial agirculturist.

Hinuon, matud ni Elumba nga posible nga isumite pa lang sa probinsya sa Sugbo ang maong report sa ilamg rehiyonal nga buhatan.

Laing pipila sa mga ektarya nga apektado anaa sa upat ka lungsod sa lalawigan sa Siquijor ug pipila sa lalawigan sa Bohol.

Tambag ni Elumba sa mga mag-uuma aron dili kaayo maalkansi, mao ang paghimu og sayo nga pag-ani, pagtanum og resilient crops, ug pagsiguro nga insured ang ilang mga pananum sa Philippine Crop Insurance Corporation ilabi ning ting-init.

Samtang, wala pa usab natala nga kadaut diha sa mga livestock sa rehiyon sama sa carabao, baka, kanding ug uban pa. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph