SECTIONS
Thursday, July 18, 2019
SUPERBALITA CEBU

AboitizLand kampiyon sa BVR On Tour

SPIKE. Si Rose Malagar (wala) sa Team USC nga naka-score pinaagi sa spike niining aktoha atol sa ilang duwa batok sa Air Force 1 team sa qualification match sa Beach Volleyball Republic (BVR) nga natapos kagahapon sa White Beach sa Santa Fe, Bantayan, Cebu. (Alex Badayos)

STA. FE, Bantayan Island - Ang panagpares nila ni Ranran Abadilla ug Jesse Lopez sa AboitizLand ang mipakita og saktong bawi sa ikatulong set aron makalangkat na usab og laing titulo sa men’s division sa Beach Volleyball Republic (BVR) On Tour sa Pristine Beach sa Sta. Fe, Bantayan Island kagahapon.

Nabiyaan, 5-10, sa deciding set, ang AboitizLand daw og sa nag-ungaw na sa kapildihan batok sa University of St. La Salle (USLS) sa Bacolod City.

Apan bisan pa man niini, ang kampiyon sa Puerto Gallera leg wa mawad-i sa ilang lig-ong determinasyon ug paglaom ug mipagawas sa ilang kahanas aron hingpiton ang 11-21, 21-16, ug 15-13 nga kadaugan.

Ang 10-3 nga rally nga gipahagsa sa AboitizLand may nagpapas sa labaw nga maoy nagyawe aron mapukan ang panagparis nila ni Herold Parcia ug Deanne Depedro sa USLS.

Kini maoy ikaduhang titulo sa AboitizLand sulod sa duha ka semana human sa ilang paglangkat sa kampiyonato sa Puerto Gallera leg niadtong Marso 9.

Human mipungit og kadaugan ang USLS sa first set, 21-11, ang AboitizLand mibawos sa second set, 21-16, nga maoy nakahatod sa deciding third set.

Samtang ang Team Visayas nila ni Jade Becaldo ug Kevin Juban ang miyukbo sa Philippine Airforce, 35-33, 21-18, sa semifinals.

Napukan usab sila sa National University nga gibituonan nila ni Pol Salvador ug James Buytrago, 21-18, 21-19, alang sa third place honor.

Ang NU women’s team ug ang Team Perlas ang padayon pang nagkombati alang sa titulo hangtod ning pagsulat.

Samtang ang Philippine Airforce nga gilangkuban nila ni Mary Ann Pantino ug Jozza Cabalsa maoy milabni sa ikatulong dapit pinaagi sa pagharos nila ni Bianca Lizares ug Margie Señas sa USLS, 21-16, 21-13. (RSC, JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph