SECTIONS
Wednesday, July 17, 2019
SUPERBALITA CEBU

Summer chess camp sa Cebu Coliseum

ALANG sa mga mahiligon sa duwang chess nga gustong mahanas pa ning maong paugnat sa kusog, ang Cebu School of Chess mopahigayon og Summer Chess Camp karong Abril 1 hangtod Mayo 30 sa 2nd floor sa Cebu Coliseum.

Ang trainer ning maong kalihukan mao si International Master (IM) Kim Steven Yap, kinsa usa na ka kandidato nga mahimong Grandmaster human niya nakuha ang labing una sa tulo ka GM norms nga gikinahanglan dili pa lang tantong dugay.

Nabira ni Yap ang labing una niyang GM norm human niya nasakmit ang ikaduhang luna sa Barkeley Chess School Summer IM/GM Norm Tournament sa Backeley, California, USA sa miaging tuig.

Si Yap, kinsa anak ni International Arbiter ug World Chess Federation (FIDE) chess instructor/trainer Lincoln “Linky” Yap, mao sab ang tag-iya sa Cebu School of Chess nga iyang gitukod pipila na ka mga tuig ang nakalabay.

Alang sa interesadong mohuman sa kinatibuk-ang duha ka mga buwan nga summer camp, ang rehistrasyon nagbalor og P4,500.

Ang usa ka buwan nagkantidad og 2,800, ang usa ka semana nagbalor og P750 samtang ang usa ka adlaw kay P180. Adunay P2,200 nga bayranan alang sa mga mangapil sa training sa adlaw lang nga Sabado.

Karong Mayo 28-30, adunay ipahigayon nga tryout alang sa gustong mahimong miyembro sa chess team nga pormahon ni Yap. Adunay ganting salapi ug scholarships nga gitagana alang sa mga mananaog.

Alang sa dugang mga impormasyon, mahimong motawag sa 0977-6864660. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph