SA TINGUHA nga makatabang og giya sa mga bata nga mahiligon sa basketball, usa ka Hoops
Academy ang ablihan karong Abril 22, 2019 diha sa Sacred Heart School (Old Campus), sa General Maxilom Avenue, dakbayan sa Sugbo.
Ang assistant coach sa University of Cebu (UC) Webmasters nga si Rocky Alcoseba maoy modumala sa maong training camp uban sa pipila ka mga kanhi varsity players sa Cebu Schools Athletic Foundation, Inc. (Cesafi).
Sugdan ang session sa ala 1:00 hangtod na sa alas tres sa hapon matag adlawng Lunes ngadto sa Biyernes. Kini motapos sa buwan sa Hunyo.
Ang registration fee mokantidad og P3,000 diin libre na niini ang duha ka jersey, usa ka short ug usa ka bola.
Mgga inilang Sugboanong PBA players ang magsilbing guests atol sa opening day. Kini sama nila ni JunMar Fajardo, RR Pogoy, Macmac Tallo ug uban pa.
Lakip usab sa motambong ang beterano ug winningest coach sa Sugbo nga si Raul “Yayoy” Alcoseba.Kini giabagan usab sa JoeMangs. Alang sa mga interesado, mahimong motawag o mo-text sa 09276769145 o mahimo usab nga mobisita sa FB Page HOOPS ACADEMY. (PR)