SUPERBALITA CEBU

Demecillo napakyas: gipildi ni Dasmarinas

NASUGAMAK sa unanimous decision nga kapildihan ang Sugbuanong si Kenny “Big Heart” Demecillo batok kang Michael Dasmariñas sa ilang International Boxing Federation (IBF) bantamweight eliminator bout niadtong Sabado sa gabii sa Resorts World Manila didto sa Kaulohan.

Sama sa gilauman, grabe ang binukbokay nga nasaksihan tali sa duha ka mga boksidor apan nagkahiusa ang tulo ka judges sa pagpadaog kang Dasmariñas, 116-112, 115-113, 117-111.

Sa interbyu sa ESPN Sports, nagkanayon si Dasmariñas nga iyang gipagawas ang tanan niyang makaya ning awaya ug wala siya’y pagduhaduha nga modaog nga molampos gumikan kay grabe ang iyang preparasyon.

Si Dasmariñas misaka sa 29-2-1, 19 KOs nga rekord, samtang si Demecillo, kinsa usa sa mga pambatong boksidor sa Omega gym, natagak sa 14-5-2, 8KOs nga baraha. Ang away nila ni Dasmariñas ug Demecillo maoy main event sa promosyon nga hiniusang gipasiugdahan sa MP Promotions ni Manny Pacquiao ug Singapore-based Ringstar Asia nga gipangulohan ni Scott Farrell.

Personal nga si misaksi sa away si Pacquiao, kinsa giingong naglaraw nga himuon na kining matag buwan nga promosyon,

“They were exciting fights, everybody’s happy, it was a very successful promotion. This is also a good opportunity for Filipino boxers to have a chance to fight outside the country, specially in the United States,” matod ni Pacquiao. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph