DI MOMINOS 12 ka mga tawo ang giluwas human matikyaob ang usa ka bangka sa kadagatan nga sakop sa Barangay Caubian, isla sa Olango niadtong Dominggo, Marso 24.
Ang bangka nagpaingon sa isla sa Banacon, lalawigan sa Bohol dihang nahitabo ang insidente.
Si PO1 Yolly Terana, desk officer sa Station 1 sa Lapu-Lapu City Police Office, nibutyag nga nadawat nila ang alarma sa hitabo alas 5 sa hapon.
Ang bangka nigikan sa Datag, Liloan ug moadto unta sa Bohol ang mga 10 ka mga sakay aron manguha og pansat sa usa ka farm og pasayan.
Apan samtang naglawig, nakasugat kini og dagkong mga bawod sa kalawran sa Olango hinungdan nga kini natikyaob. (SCG, SunStar Cebu)