BUAK ang ulo sa usa ka lalaki nga gituohang nabangga niadtong Hulyo 31, 2018 mga alas 8:45 sa gabii sa Puerto, dakbayan sa Cagayan de Oro.
Patay si Ernesto Romo Jr., 34, minyo ug residente sa Alae, Bukidnon kinsa nagmaneho sa Honda XRM.
Sa nahipos nga impormasiyon, gikabutyag nga wala'y nakakita sa maong panghitabo gumikan kay ngitngit ang maong dapit ug gani igo na lamang kining gitabangan sa katawhan.
Giingong posibleng ang motorsiklo sa biktima ang nibangga sa wala masuta nga sakyanan tungod na usab sa grabe nga pagkadugmok sa atubangang bahin niini.
Ang patay nga lawas sa biktima ang anaa na sa Everlasting Funeral homes sa Casinglot Tagoloan, Misamis Oriental.