NAPALITAN sa gituohang shabu ang usa ka 9 anyos nga batang babaye human sa gipahigayong buy bust operation niadtong Biyernes, Marso 22 pasado alas 7:30 sa gabii diha sa Barangay Bulua, Siyudad sa Cagayan de Oro.
Gi-rescue sa kapulisan ang 9 anyos nga babaye, kinsa residente sa Villa Candida subdivision, Barangay Bulua ning siyudad kinsa gituohang runner diha sa iligal nga druga.
Sa nahipos nga impormasiyon gikabutyag nga nagpahigayon ang drug enforcement team sa Police Station 1 (PS1) sa Divisoria sa pagpangulo ni Police Senior Inspector Rogie Ortencio, station commander hinungdan nga na-rescue ang maong bata.
Giingong gitunol niining bata ang usa ka pakete sa gituohang shabu nga dunay gibug-aton nga anaa sa usa ka gramo diin gibana-banang anaa usab sa P5 mil ang kantidad.
Ang among bata ang kasamtangang anaa karon sa Tahanan ng Kabataan sa Barangay Lumbia ning siyudad.
Gisuta pa karon sa kapulisan kun kinsa ang mga responsable nga maoy nigamit sa mga bata aron malambigit niining maong iligal nga kalihukan.