Live-in partners gipusil, patay

LIVE-IN partners patay human gipamusil sa wala mailhing mamumuno sa dan Rabaya, Sitio Matinagdanon, Brgy. Tabunok, siyudad sa Talisay, Dominggo sa kaadlawon, Marso 24.

Ang mga biktima mao si Felix Yares, 30, lumad sa Barangay Poblacion, ug hinigugma niini nga si Carol Dixie Bacalso, 28, taga Barangay Tanke, Talisay.

Matod ni Chief Insp. Ardeolito Cabagnot, deputy chief sa Talisay City Police Office nga gikan sa usa ka bar ang duha ug paingon na mopauli, pasado alas 4:00 sa kaadlawon, sakay ang ilang motorsiklo, Apan, gipamusil sila sa riding-in-tandem.

Gitabang ang duha sa Talisay Rescue Emergency Team (TREAT) apan napakyas.

Nakuha sa crime scene ang unom ka kabhang sa kalibre .45 ug tulo ka mga bala.

Dugang ni Cabagnot, usa sa ilang gitan-aw nga motibo bahin sa nakalalis si Yares ug ang giingong kalambigitan ni Bacalso sa ilegal nga drugas.

Naka-Facebook live si Yares sa wala pa ang maong insidente diin nagkanta-kanta pa kini.

Gipalawman sa kapulisan ang ilang imbestigasyon bahin sa maong insidente. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph