GIPAHIBAW sa Presidential Anti-Corruption Commission (PACC) nga nag-una ang Department of Public Works and Highways (DPWH) sa mga ahensya sa gobyerno nga pinaka-kurakot.
Nag-una ang DPWH sa Top 4 nga mga kurakot nga ahensya, nagsunod niini ang Government-Owned or Controlled-Corporations (GOCC), ikatulo ang Department of Environment and Natural Resources (DENR), ka-tie sa DENR ang Department of Finance (DOF).
Naglangkob sa DOF ang Bureau of Internal Revenue (BIR) ug Bureau of Customs (BOC).
Nag-tie usab sa ika-upat nga pwesto ang upat ka mga ahensya, ang Department of Foreign Affairs (DFA), Department of Transportation (DOT), Department of Agriculture (DA) ug National Commission on Indigenous Peoples (NCIP).
Kini maoy gipahibalo ni PACC chairman Dante Jimenez, sa mga sakop sa media sa Sugbo, atol sa iyang pagpakigtagbo sa mga director sa laing-laing ahensya sa Central Visayas pag Lunes, Marso 25.
Uban ni Jimenez si PACC commissioner Manuelito Luna.
Gipasabot ni Jimenez nga ang ilang gibasehan sa ilang natala nga top 4 nga mga kurap nga ahensya, mao ang mga nadawat nga reklamo sukad Marso 7 sa niagi nga tuig hangtud Pebrero ning tuiga.
Nakadawat sila og 807 ka mga reklamo, 760 niini ang verifiable ug 47 ang unverifiable.
29 sa 807 ka mga reklamo ang ila na nga gi-endorsar sa Office of the Ombudsman, 28 ang gi-aprubahan na sa Commission En Banc ug walo ang gipadad-an ang nagreklamo og Notice of Deficiency.
Dugang ni Jimenez nga usa kini sa tinud-anay nga kabag-uhan nga buot mapatuman atol sa administrasyon ni Duterte, ang pagsumpo sa kurapsyon, hinungdan nga giawhag niya ang publiko nga mopadangat gyud sa ilang mga reklamo batok ba sa usa ka buhatan sa lokal nga kagamhanan, o sa bisan unsa nga ahensya sa gobyerno.
Mahimo mapadangat ang reklamo sa buhatan sa mga rehiyonal nga director, ug kon dili gihapon aksyonan, dinhi sa Central Visayas, mahimo mapadangat ang reklamo direkta kang Office of the Presidential Assistant of the Visayas (OPAV) kang Michael Dino.
“We will never tolerate, kasi po yung incompetence is yung corruption, kapag kayo ay incompetent sa trabaho ninyo (government officials ug kawani) pwede kayo matagal, ma-suspend. So yan po ang pinakamalakas na weapon natin. Kaya sinasabi ko sa inyo, magtulungan tayo, kayo mga kababayan naming, hindi pwedeng, hindi totoo yung sinasabi nila na walang pagbabago, may pagbabago na. Pero walang mangyayari kung hindi din kayo magsusumbong. Now nanatakot kayo sa protection ninyo, meron tayong witness protection, kung hindi naman ipaparating po natin yan sa mga kinaukulan,” pagpasabot ni Jimenez.
Wala na hinuon gitug-an nila Jimenez kon pila ka porsyento sa mga nadawat nila nga reklamo ang batok sa DPWH.
Apan iyang gitug-an nga kasagaran mga road projects, diin ang mga district engineers ang nakig-alayon sa mga politiko, ilabi na mga kongresista diha sa gihimo nga kurapsyon.
“Ang public works po kasi ganito, yung mga district engineers minsan meron nga sila cooperation with sa mga politiko, ayoko na sabihin kung sino ang mga polotiko nayan, karamihan nyan mga Congressman, karamihan nyan mga kalye, andami po jan mga TARA, may mga sharing, ganun din sa Customs (BOC) lahat po nyan ay institutional ang corruption,”asoy ni Jimenez.
Hinuon giklaro ni Luna nga dinhi sa Rehiyon 7, gamay lang ang ilang nadawat nga reklamo batok sa DPWH 7.
Pero gipahimangnuan gihapon nila kini.
“I had meetings with DE and regional director (DPWH- 7), so far naman sa monitoring natin medyo okay, but we cannot discount the possibility that in the coming days may mga complaints. But so far so good, kasi mino-monitor namin ang mga major projects ng dpwh dito, but ang nakikita naming maganda naman ang pamamalakad and the secretary in fairness kay secretary (DPWH Secretary Mark) Villar, is doing good in reforming the DPWH, and his team,” pagpaklaro ni Luna.