GIKALIPAY sa tinugyanan sa Regulatory and Complaint Board (RCB) ang gihimo sa usa ka masahista kinsa nanumbong, human dunay kustomer nga naghangyo og “extra service” nga gipanghingosgan sa maong buhatan nga mahunong sa siyudad sa Cagayan de Oro.
Nasayran nga usa ka police officer 1 ang gipasakaan og kaso human nga nasuko sa dihang gibalibaran sa masahista sa hangyo niini nga “extra service” gumikan walay susama niana nga serbisyo ang maong spa ug hugot usab ang kampanya sa lokal nga kagamhanan sa siyudad batok niini.
Matud ni Antonio Resma Jr., inspectorate team leader sa RCB, nga gikalipay mismo niini gumikan kay epektibo ang ilang mga gihimong hugot nga kampanya batok niini, apan nadismaya lang kay usa ka sakop sa pulis ang naasupak.
“Personally, nalipay ta kay nakita nato nga effective atong information and educational campaign. We are slowly achieving our goal which is to restore the dignity of the spa or massage clinic industry in the city,” matud ni Resma.
“Lagi medyo maka dismaya lang gyud kay pulis ang naka supak, apan nalipay gyud ta nga ang mga therapist na mismo gyud ni tindog para protektahan ilang imahe,” dugang niini.
Samtang kini matud nga panghitabo nagsilbing warning sa mga kustomer nga mosulay sa paghangyo sa maong “extra-service” sa pagpamasahe.
Gidayeg usab niini ang maong masahista ug ang nahisgutang spa nga nitaho sa maong insidente.
“Let this also serve as a warning to the customers who will attempt to avail of the so called ‘extra-service.’ I also commend the business operator and massage therapist who reported the incident, together we can uplift the image and restore the dignity of the spa / massage clinic industry in the City,” dugang pa.
Nagpahimangno usab ang kapulisan ngadto na sa mga sakop sa Philippine National Police (PNP) sa kamandoan sa PNP chief nga si Police Director General Oscar Albayalde ug ni mismong President Rodrigo Duterte.
“Tinuod na not because we have marching order from our chief PNP and even our Presidente PRRD na talagang bawal yung police na umiinom how much more na papasok pa, parang magkaroon pa ng pananakot. Isa pa, yung mga kasamahan natin we are reminded also na yung internal cleansing natin sa PNP,” matud ni Police Inspector Ernesto Sanchez, deputy station commander sa Police Station 2.