GIAWHAG karon sa buhatan sa Commission on Elections (Comelec)-Northern Mindanao ang mga local media outlet nga magpahigayon og forum o debate.
Matud ni Comelec-Northern Mindanao director Jay Balisado nga kinahanglan kini sa mga nagkandidato aron sila molambigit tungod kay daw usahay ang mga kandidato wala na kini silay insaktong guidelines.
“Gi-encourage nato ang local media mo-involved sa election ug mag engage og forum or debate aron atong mga kandidato ilang ipresent ang ilang kaugalingon for the people kay usahay walay saktong guidelines mahitabo gakalandrakas ang ilang kampanya ang nahitabo naa gyod mosimang,” matud ni Balisado.
Dugang niini nga gikinahanglan nila og laing unity walk aron makiglambigit na kadtong wala mga nakatunga.
“Magkinahanglan ta og another unity walk para they have thier own time kay kadtong wala mitunga sa permiro o sa ikaduha basin third time pwede na,” dugang niini.
Usa sa pagpakita aron limpyo ug tinud-anay ang election nga dili lang kini tungod sa mga pagpahulagway ug malaumon kining apilan og pagpaningkamot.
“One way of showing that we are one in our cause nga orderly and honest ang election is number one dili lang siya for photo opportunity. They also coupled it with genuine and sincere effort kay it takes two to tango, pananglitan naningkamot ang isa pero isa wala. Kinahanglan nga there’s always be an effort. There’s always be a reason. We should always be aware and participate ug encourage to participate,” matud niini.