DILI na tumpangan ni Mayor Oscar Moreno ang iyang kaatbang nga si Jose Gabriel La Viña sa mga pamahayag niini nga siya ang gisuportahan ni Presidente Rodrigo Duterte.
Matud ni Moreno nga ang importante alang kaniya mao ang grupo nga gisuportahan sa Presidente nga Partido Demokratiko Laban (PDP-Laban).
Una na nga nibutyag si La Viña nga mobalik si Duterte aron nga mohatag og katin-awan nga siya ang opisyal nga kandidato nga gi-endorso niini.
Matud ni Moreno human sa natigayong PDP-Laban senatorial slate rally niadtong Dominggo sa gabii, Marso 24, nga dili na kini buot nga molambigit sa mga susama niana ang importante apil kini sa maong partido nga gisuportahan sa Presidente.
“Kanang mga ingon ana I would not want to engage in that kind of lugar I am part of the PDP-Laban mao man nay gitawag sa latin nga “res ipsa loquitu,” the things speaks for each other,” matud ni Duterte.
Gidugang pa niini nga dili na lamang niini huna-hunaon ang mga butang sama niana, ang importante alang kaniya mao ang iyang grupo.
“Kung gusto siya, si Pompee lugar? Bahala pag pati tiil niya ako di nako motumpang basta ang importante it’s not you ang imong huna-hunaon kundili ang tibuok grupo,” dugang niini.
Mapasigarbuhon usab kini nga dako ang pagsalig ni Duterte ug nitambong kini sa maong rally bisan pa man nga dunay importanteng kasaulogan diha sa pamilya human nga gihimo sa siyudad sa Cagayan de Oro ang maong kalihokan nga gitambongan sa tibuok rehiyon, sama na lamang sa siyudad sa Iligan, Camiguin, Misamis Oriental ug uban pa.
“Okay kaayo lugar kalooy sa Diyos successful ang hosting and gwapo ang attendance, of course naay entire Northern Mindanao, pasalamat ta nga number one dinhi sa Cagayan, number two is gisaligan kita to host this big event,” dugang niini.