SA TUMONG nga mapromotar ang Davao Oriental isip progresibo ug traveler-friendly destination, ang Davao Oriental Provincial Government ug City of Mati, uban ang Orca Promotions, nag-organisa sa labing dako nga concert sa probinsiya karong Abril 6 ngadto 7 ning tuig.
Gitawag nga Bonfire Music Festival, ang duha ka adlaw nga music festival sa Provincial Sports Complex sa Brgy. Dahican, Mati sa Davao Oriental, magpromotar sa nagkadaiyang genre sa musika sa gibana-banaang 7,000 nga motambong.
Ang concert oportunidad sab nga mapakita ang kaanyag sa Province of Davao Oriental, ang kultura ug tourist destinations.
Mga performers sa Abril 6 gilangkuban sa December Avenue, Nairud, Harmoniax, Broken Chords of May, OrientRocks, Muzza Band, ug Mark & Sid.
Pagka-Abril 7, anaa ang top rave deejays nga sila Tom Taus, Stefan Lan, Ron Poe, Jet Boado, Cathy Frey, Cassie D and Jack Ripper.
Alang sa tiket ug dugang impormasyon ikontak lang ang 087 306-0573 o email gcarmelotes.orca@gmail.com.
Duawa sab ang Bonfire Facebook page https://www.facebook.com/bonfiremusicfest/.