MILF nipasalig nga dili makigpatay batok gobyerno

COTABATO CITY - Dili makiggiyera ang Moro Islamic Liberation Front (MILF) kung mapakyas ang gobyerno sa gipursige nga pederalismo.

Kini ang tubag ni MILF Chairman ug BARMM Interim Chief Minister Alhaj Murad Ibrahim.

Una nang nagbahad si Moro National Liberation Front (MNLF) founding chairman Nur Misuari kung dili magmalampuson ang pederalismo makiggiyera sila batok sa gobyerno.

Giklaro ni Murad nga kontento na sila sa Bangsamoro Organic Law (BOL) sa namugna nga Bangsamoro Autonomous Region in Muslim Mindanao (BARMM).

Kung mapatuman ang Pederalismo ug paboran kini sa tanan nga mga molupyo sa Pilipinas dili magduha-duha ang MILF nga suportahan kini.

Kahinumdoman nga dakong supak si Misuari sa BOL gumikan gusto niini ang Pederalismo sa mga dapit nga nahisakop karon sa BARMM.

Nanawagan sab si Murad sa tanan nga maghiusa na lamang alang sa kalinaw ug kalamboan sa Mindanao. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph