SECTIONS
Sunday, August 18, 2019
SUPERBALITA DAVAO

Kidnapper hayahay dihang gibuhian

(Hulagway tampo sa Banaybanay MPS)

NASIKOP sa kapulisan sa Banaybanay Municipal Police Station ang usa ka lalaki kinsa giingong mangdagit og bata sa Davao Oriental.

Sa gipagula nga spot report sa Police Regional Office sa Davao (PRO-11) ang suspek mao si Allan (bansagon gitago), 32 anyos, usa ka criminology student sa usa ka tunghaan sa Lupon ug residente sa Barangay Maragtas.

Ang suspek nasikop dihang nangpakitabang ug misiyagit ang 12-anyos ug 7-anyos nga mag-ig-agaw dihang iya nang gipangsakay sa iyang motorsiklo.

Sa tabang sa barangay opisyal sa dapit nasikop ang suspek dihang didto na sila sa baybayon ug nag-selfie ang suspek uban sa duha ka mga bata.

Gituohan sa otoridad nga ugaling gihimo kadto sa suspek ang pag-picture aron ipakita nga naa na siya'y nakidnap nga bata ug dali nalang isakay sa bangka.

Hinuon unod lamang kana sa inisyal nga imbestigasyon sa otoridad nga posible nga mahitabo kung wala nasapon sa mga opisyal sa barangay.

Sa pinakaulahing impormasyon nga nakuha sa Superbalita Davao gikan sa PRO-11 nasayran nga gibuhian ang suspek human wa na mipatim-aw ang ginikanan sa mga bata aron unta ipasaka ang reklamo kagahapon, Marso 25.

Tambag sa otoridad nga di mokompiyansa ug seguraduhon nga bantayan gayod ang mga gagmay nga anak aron malayo sa susama niini nga insidente.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph