SECTIONS
Wednesday, May 22, 2019
SUPERBALITA CEBU

Mag-uuma tudloan pagduma sa kwarta

KASAGARAN sa mga mag-uuma sa Sugbo nga nagtukod og kooperatiba ang nagtinguha nga makat-on sa nagkadaiyang pamaagi alang sa dali nga pagbangon kon ugaling adunay mga katalagman nga moigo sa ilang dapit o pamilya.

Ug sa susama nga higayon, pag-empower pa sa ilang tagsa ka pamilya aron usab makatabang sa pagpalig-on ug pagpalambo sa komunidad.

Kini ang nag-una nga gitinguha nga makab-ot sa Lamac Multi-Purpose Cooperative nga nisaulog sa ilang ika-28 ka tuig ug annual assembly niadtong Marso 24.

Ang Lamac MPC Coop duna nay 60 mil ka mga miyembro, diin kasagaran niini mga mag-uuma, gikan sa nagkadaiyang bahin sa probinsya sa Sugbo, anaa sa Negros Oriental, sa Bohol ug bisan sa na sa lalawigan sa Leyte.

Usa si senador Cynthia Villar ang guest speaker sa tigum, diin iyang gipahibalo nga usa sa dakung makatabang aron mas molambo pa ang kooperatiba, mao ang tinguha nga farm school, diin pipila sa mga myembro niini ang ipaubos sa training sa Technical Education and Skills Development Authority kon (TESDA) nga libre lang, usa sa itudlo ang kalabot sa pinansyal nga aspeto, sama sa pagpa-utang.

"Siguro maraming kababyan na mahilig sa 5/6, itong Lamac ang maka-solve dun, napakaraming pera na dinala natin sa landbank and dbp para utangin ng mga farmers and mahihirap, eh mahiyain sa bangko ehh, kaya nga gusto ko yung farm school tuturuan sila dun ng financial literacy and at the same time yung mga coop sila ang umutang dun and sila ang magpautang, kasi minsan yung ating maliliit na negusyante and farmer nahihiyang pumasok sa bangko,” gipasabot ni Villar.

Tinguha pa niya nga mapalambo pa ang dairy production sa Lamac Coop, ilabi na nga mao kini ang iyang bag-uhay lang nga bag-o nga programa nga matag lalawigan sa nasud adunay dairy project.

Kini aron bisan ang mga kabus nga kabataan sa nasud ang makainum og gatas.

Lakip sa iyang giawhag ang pdayon nga pagpalambo sa uban pa nga mga produkto sa Coop sama sa utanon, coco sugar ug uban pa.

“Sila kasi yung kind of cooperative na nag-focus sa farmers, kaya nga nakakatuwa dito sa Cebu na may coop dito na focus sa countryside, may isang coop din na focus sa city dwellers, like yung mga angtitinda and mga tricycle drivers, so it is a very good model to help the poor.,” dugang ni Villar.

Gitug-an usab ni Joel Elumba ang Regional Technical director sa Department of Agriculture nga usa sa ilang gitutokan ug gitabangan ang Lamac Coop tungod usa kini sa nakatabang sa food production sa Kabisay-an.

Atol sa general assembly, anaa usab ang mga pangulo sa pangagamhanan, gikan sa ilang mayor, Glenn Baricuatro, si 3rd district representative Gwendolyn Garcia, mga board member Victoria ‘Tata’ Corominas-Toribio, Miguelito Magpale ug si Toledo City mayor Sonny Osmeña.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!