GI-ANUGNAN ang mga opisyal sa kagamhanan sa dakbayan sa Mandaue sa dihang di na mahinayon pagpatukod sa flyover isip kabahin sa tri-level project sa Department of Public Works and Highways (DPWH) diha sa may U.N. Avenue ug dan Plaridel, sa dakbayan sa Mandaue.
Si Bise Bise mayor Carlo Fortuna nga samtang nagpadayon ang pagtrabaho sa underpass aduna pay alternatibo o laing solusyon ang DPWH aron dili samot nga maghuot nag trapiko sa habig sa Pacific mall.
“I hope they have a good reason of cancelling it. The underpass and tri-level bypass is actually one facility, kay what is the point of having underpass, then in the end of the intersection you still have to wait for the traffic light. Sa underpass man gud mas paspas na ang dagan sa sakyanan, but saw-on gyud na, so that vehicles will run continuously kay if naay underpass nya wala ang tri-level nga bypass it is going to create congestion sa intersection sa may pacific mall,” pagpasabot ni Fortuna.
Gikatakdang nga mahuman ang underpas sa Hunyo 2020.
Samtang si Mandaue City Mayor Luigi Quisumbing nga usa sa pabilin nga dakung hagit sa syudad ang proyekto sa infrastructure ilabi na may labot sa pagpalapad sa dalan nga usa sa labing epektibo nga paagi nga kalugakan ang huot nga trapiko.
Apan iyang giangkon nga dako nga challenge sa siyudad ang maong matang sa proyekto gumikan sa kamahal sa acquisition cost sa mga luna sa siyudad hinungdan mas maayo nga solusyon ang mga vertical infrastructure sama sa flyover.
“But mao lage na, no matter how many flyovers we build no matter how much road we widened, kuwang gyud na interim sa solution para sa atong traffic. Improtante we have mixture of solutions, yes, road widening and infrastructure and also mass transit and also more viable way,”pasabot ni Quisumbing.
Kahinumduman nga gipadaplin una sa DPWH-7 ang pagpatukod og flyover sa UN Avenue ug Plaridel road, atol sa gihimo nga Metro Cebu Development and Coordinating Board (MCDCB) niadtong Lunes, Marso 18 .
Si Engr. Nonato Paylado, pangulo sa planning and design division sa DPWH 7nipasabot nga tungod kini sa pipila ka mga development nga tinguha nila nga unahon sa pagpatuman, aron dili usab mabalda ang ubang proyekto ug pagpangamdam sa mas dako nga project.
Sama nalang sa plano nga Urban Mass Rapid Transit (UMRT) nga usa sa nakab-ot nga plano sa Metro Cebu Transport Master Plan.