SECTIONS
Wednesday, June 26, 2019
SUPERBALITA CEBU

7’2 Sotto nakadesider: mobiya na sa Pilipinas

NAKATAKDANG mobiya sa Pilipinas ang batan-ong higante nga si 7’2” Kai Sotto aron ipadayon ang paggukod sa iyang damgo nga mahimong labing unang Pinoy nga makaduwa sa National Basketball Association (NBA).

Gipasabot sa 16 anyos nga pambato sa Ateneo Blue Eaglets nga gitabangan siya sa iyang pamilya sa pagbuhi og desisyon. Sa plano ni Sotto, manimpalad na siya pagsulod sa NBA karong 2021 o 2022.

“Nakapag-decide na po ako at ang pamilya ko. I’ll be leaving soon to start training full-time. I want to devote the next two to three years to single-mindedly focus on my goal of joining the NBA by 2021 or 2022,” mensahe ni Sotto sa iyang Instagram account nga napatik sa Spin.ph.

Sa iyang gitas-on ug abilidad, si Sotto midominar sa local high school basketball sa nangaging katuigan diin naangkon niya ang UAAP Season 81 Juniors MVP award ug naagak niya ang Blue Eaglets sa runner-up finish sa miaging tuig.

Sa UAAP Season 80, natuboy ni Sotto ang Eaglets sa kampiyunato.

Wala pa mibutyag si Sotto kon unsa’y iyang plano aron makasulod sa NBA, hinuon ang European clubs nga naglakip sa Real Madrid ug Barcelona ningpadayag na og interes sa pagkuha ni Sotto.

“Pinagisipan ko po ito ng mabuti. I will train very hard and sacrifice and focus in the next few years so that one day soon, you will be very proud of me. Gagawin ko po lahat ng makakaya ko, with the guidance of my dad and mom, to be the very best that I can be,” dugang ni Sotto.

“Para po ito sa future ko, ng pamilya ko, at especially po, para sa Batang Gilas, Gilas Pilipinas, at higit sa lahat, para sa bayan!” (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph