Tambagi ko Noy Kulas: Pabiyaan

DEAR Noy Kulas,

Tagoa lang ko sa ngan nga Bong, taga Cebu but naa na ko sa Manila nagpuyo. Tungod sa akong work, pirme ko maglarga larga. Mao ni ang akong advantage karon but problema nako.

Silahis ko, Noy. Ganahan ko og babaye ug ganahan ko og lalake, 50-50. Naa na koy kapuyo nga babaye for five years ug naa mi usa ka buok anak. Maayo ang among pagpuyo kay same mi dunay trabaho. Ang akoa lang kay tagdugay ko mawala sa amoa kay magbiyahe.

Pag-uli nako diha sa atoa, naa koy nahimamat nga us aka lalake nga akong naibgan. Ni-offer ko niya nga magpuyo mi ug nisugot pud siya. Karon nag live in mi kon naa ko sa Cebu nga wa makahibawo ang akong partner nga naa sa Manila. Gatuo ra siya nga akong barkada ning tawhana.

Karon gusto sa akong partner sa Cebu nga biyaan nako ang akong family aron kami na kuno. Kon di nako sila biyaan, siya ang mobiya kay masakitan siya nga maghuna-huna nga everytime wa ko niya, naa ko sa laing babaye. Di ko gusto nga mawala siya nako, pero di pud ko ganahan nga akong biyaan ang akong original nga partner kay maluoy ko sa among anak. Please tambagi ko, Noy, unsay akong angay nga buhaton. Love nako sila pulos.

BONG

Bong,

Bisan tuod nag live in ram o sa imong unang partner, usa gihapon mo ka pamilya. Nagtukod ka og pamilya nga kompleto na kay naa moy anak nga us aka buok. Kasal na lang ang kuwang. Ang imong kapuyo ug anak seguradong naa nimo kanunay mounong sa bisan unsa nga higayon, malipay ka man o naa sa kasakit.

Kon ingon niana ang imong pamilya, diri sa pikas wa kay kaseguraduhan. Tagsa ra sa same sex relationship ang mo survive. Maihap lang na ang nilungtad ug ni survive. Usually ang isyu sagad loyalty sa usag usa. Labina kon ang sinugdanan sa relasyon kwarta. Sorry to say, mao ni ang akong nakita sa imohang relasyon. Busa, lisod mag invest ka og time but later on, imong maamguhan nga sayop diay ang imong gituohan nga sakto kon moabot na ang akong giingon nga biyaan ka niya.

Let him go kon mao na ang iyang gusto.

Ayaw isugal ang kaugmaon sa imong pamilya tungod lang nianang tawhana. Selfish ra kaayo siya nga ang iya rang kaugalingon ang gihuna-huna. Or basin gusto lang siya nga iyang ma-solo ang support nga imong gihatag kaniya.

Huna-hunaag maayo kining tanan. Hinuktoki ug hinaut nga makaamgo ka nga importante ang pamilya kay naa sila kanunay.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph