AC Martin
BATA pa lang damgo na gyud diay mag-artista sa Cebuanang si Missy o Joelaine Missy Sevilleno Quiño sa tinuod nga kinabuhi.
Ang 17-anyos ug kanhi Pinoy Big Brother Otso Teen housemate exclusive ug one-on-one natong na-interbyu sa mismong balay nila sa pinaka-laysho nga Amara Residential Beach Lot sa Liloan.
Nasaag pa mi kay puwerte man diayng dakoa sa Amara ug puwerte sang dagkoa sa mga balay ug nindot kaayo ang view kay nagtambo ni sa dagat sa Mactan channel.
Lakip sa niabi-abi namo ang iyang ever-supportive daddy nga si Compostela Mayor Joel Quiño ug didto nakita namo kon unsa ka close ni Missy sa iyang mga half-sibling nga excited nga nakakita niya.
Kay sukad nisud si Missy sa PBB House niadtong Nov. 2018 first time pa lang niyang nakabalik sa Cebu.
Niabot si Missy niadtong Sabado kay iyang gi-surprised ang iyang half-brother nga nigradwar sa Grade 12 with highest honor sa Sacred Heart School-Ateneo de Cebu.
Si Missy valedictorian sad dihang nigradwar sa elementary mao nang gitawag siyang Ang Gandachiever ng Cebu sa PBB.
Matod pa lagi sa executive assistant ni Mayor nga si Miss Agnes Amor nga kaliwat gyud kuno sa mga anak ni Mayor Joel nga mga brayt ug grabe ang determinasyon sa kinabuhi.
Human sa interbyu diha lang namo nahibaw-an nga nagpa-cater diay si Mayor isip welcome party ug advance birthday celebration na sad ni Missy nga mag-18 na sa March 28.
Ang pakal gipahigayon sa club house sa Amara nga gitambongan sa iyang pamilya, classmates ug mga higala ug lakip na ang biological mom ni Missy nga si Mrs. Darling Sevilleno-Boyboy nga lumad nga taga-Suba Sto. Rosario sa isla sa Bantayan.
Siyempre tua sad sa party ni Missy ang iyang palalab(?) nga si Gian Wang nga taga-Consolacion nga kauban niya sa Camp Star Hunt.
Palalab na ba? Haha... Ako sad gipangutana si Missy kon kinsa para niya ang Big Winner sa PBB Otso Teen Big 4 ug kon duna ba sad siyay Grand Homecoming ug kon unsay iyang reaksyon sa mga comment nga mo-voluntary exit ra man diay ka nganong niapil pa man kag PBB?
Ang atong interbyu ni Missy, kinsa mobalik ra sad dayon karong adlawa sa Manila, inyong mabasa sa Huwebes sa Ssssuper Ka!
Palit jud dayon og super mga suki kay basin mahutdan! Hehe...