CARIGARA, Leyte--Boluntaryo nga mi-surrender sa kapulisan ang kasamtangan nga Bise Mayor ug konsehal sa Carigara Leyte, alas 2: 45 Lunes sa hapon, Marso 25.
Kini human malutsi og warrant of arrest sa kasong Falsification of Public Document ubos sa Article 172 sa Revised Penal Code.
Si Bise Mayor Mildred Modesto, 51;ug Rachel Makabenta, 49, personal nga miadto sa Carigara Police Station.
Mahinumdoman nga si incumbent Mayor Eduardo Ong ang nipasaka og kasong Perjury ug Falsification of Public Document sa duha.
Ang duha ka opisyal misang-at og disqualification case batok kang Ong ug sa anak niini kinsa nagpapili pagka bise mayor.
Matod sa reklamo ni Ong, nagmugna og peke nga pirma ang duha ka opisyal ngadto sa mga dokumento pagpasaka og disqualification case.
Niini, gireklamo ni Ong ang duha atubangan sa Assistant Provincial Prosecutor ug nakakita ang prosecutor og probable cause.
Ang warrant of arrest giluwatan ni Carigara Leyte Municipal Trial Court Presiding Judge Fidelina Quintana - Molina.
Base sa warrant, mamahimong maka piyansa ang duha ka opisyal og P36,000 matag usa.
Si Makabenta nagpapili pagka mayor batok kang Ong Sr. samtang si Modesto nagpapili pagka bise mayor batok kang Ong Jr.