NAGTINABANGAY karon ang nagkalain-laing ahensya aron mas mapalambo ang agrikultura karon sa nasod sa Pilipinas nga bout ipaagi sa turismo nga maoy usa sa nakapalambo sa nasod.
Ang Philippine Council for Agriculture, Aquatic and Natural Resources and Development of the Department of Science and Technology (DOST-PCAARD) ang nag-introdyus sa programa alang sa Convergence of Agriculture and Tourism (SciCAT) ngadto sa upat ka mga project sites sa nagkalain-laing nasod aron mapalambo ang science-based tourism farm sites.
Ang programa gipangunahan sa interim Farm Tourism Development Board nga gilangkoban sa Department of Tourism (DOT); Department of Agriculture ug Department of Trade and Industry (DTI).
Kini nga proyekto aron maintrodyus dili lang sa lokal apan international ang mga produktong gama sa nasod sa Pilipinas kon “Made in the Philippines.”
Kaabag ang DOST-Northern Mindanao ilang gilusad ang labing unang (SciCAT) project sa rehiyon nga makita sa Barangay Sinaburan, Imbayao, dakbayan sa Malaybalay Bukidnon nga maoy usa sa pioneering batch nga nagsugod niaging tuig 2018.
Ang proyekto mao ang Mt. Kitanglad Agro Eco Tourism nga umahan gipanag-iyahan sa Magsasaka Siyentista nga mao si Benjamin Maputi Sr. Ang umahan adunay picture perfect sceneries partikular sa version sa hobbit houses.
Ang 22 ektarya nga luna nagpakita sab og tourist attraction ug anaa sab dinhi nahimutang ang Philippine Eagle and Agricultural learning site. Ang P6.6 milyon kapin nga proyekto kasamtangan nagpakita gyod og potential aron mahimong science based tourism farm site.
Ang paglusad sa mga farm tourism site pinasikad sa Republic Act 10816 nga nailang Farm Tourism Development Act of 2016 niini komprehensibo ang programa ug promotion sa mga farm tourism sa Pilipinas.
Gawas niini nakigpartner sab ang DOST sa kalamboan sa farm tourism sa Binahon Agro Forestry Farm nga nahimutang sa Sonco, Lantapan Bukidnon kon diin ilang gipanghatagan og mga mihoras aron mapalambo ang carrot juice processing ug uban pa nga mga prutas nga abot sa umahan.