SECTIONS
Tuesday, May 21, 2019
SUPERBALITA CEBU

PRO 7 mag-full alert na sugod karong buntag

Full Alert: Isip pagpangandam sa anibersaryo sa New People’s Army (NPA) ug sa pagsugod sa local campaign sa umaabot piniliay, si Police Regional Office (PRO) 7 chief Debold Sinas mideklarar og full alert sa Central Visayas. (File Photo)

POLICE Regional Office (PRO) -7 modeklarag full alert status sugod karong alas 8 sa buntag Marso 27 sa tibuok Central Visayas nunot sa pagselebrar sa anibersaryo sa New People’s Army nga gikatadak sa Marso 29 ug pagsugod na usab sa pagpangampanya sa mga lokal nga kandidato.

Apan ang Central Command pabilin nga normal ang mopatuman sa alert status.

Niadtong Lunes Marso 25 gisaka sa PRO 7 ang alert status sa kapulisan sa Negros Oriental.

Matod ni Chief Supt. Debold Sinas nga kinahanglan nga dili lang Negros ang ipasaka nga alert status kon dili iapil na niya ang probinsya sa Bohol, Siquijor ug tibuok isla sa Sugbo tungod sa pagsugod na sa pagpangampanya usab sa lokal nga mga kandidato.

Wala mokompyansa ang PRO-7 sa pagtuo nga mohimog pagpangatake ang mga rebelde sa maong adlaw tungod kay mao kini kasagaran nga himuon sa mga kumonista.

“Kinahanglan namo na nga isaka ang alert status kay naay mga report of harassment kahibalo ka didto sa Kanlaon naay gi harass. Maayo gani naka-prepare among mga police tapos naa napoy liquidation kagaya kay SPO1 Tevez,” matod ni General Debold Sinas.

Nagpasabot kini nga wala nay pulis nga gitugotan nga maka leave sa ilang trabaho ug kadtong naka file nag leave ipa recall kini sa ilang mga labaw.

Ang Commander sa Central Command Lt. General Noel Clement, sa iyang bahin, dili mopasaka sa ilang alert status bisan pa man sa gipangandaman nga anibersaryo sa NPA.

Alang niya nga dili kinahanglan nga ang mga sundalo magpaabot lang sa ilang mga barracks sa himuon nga pagpangatake sa ilang kontra apan mohimo silag pagpatrolya sa mga dapit nga adunay presensya sa mga rebelde isip kabahin sa ilang pro active measure.

Gimando ni Lt. Gen. Clement sa iyang mga brigade commanders nga pangitaon ang presensya sa mga armadong miyembro sa NPA nga naglihok sa mga bukirang dapit sa Visayas region.

Ilabi na karon nga hingpit nang gibasura sa gobyerno ang peace negotiation tali sa komunistang grupo.

“We do not wait for them to conduct their atrocities but rather our troops should be the one initiating the activities against them, hindi tayo dapat sa on defensive. Nag hulat ra ta didto sa atong kampo nga kung kanus-a ta atakikon but my instruction to our troops here that they have to be pro active,” matod ni Lt. General Noel Clement.

Aduna nay nabantayan ang intelligence unit sa militar kalabot sa mga movement sa mga armadong grupo sa Negros ug sa Panay island. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!