Mabdos namatay sa bangga
MABDOS namatay human ang ilang awto napasok sa likod sa usa ka wing van truck niadtong Lunes sa alas 3:15 sa hapon sa Brgy. Pasil, lungsod sa Santander.
Wa na madalag hospital si Danica Onlagada, 23, taga Brgy.Talisay lungsud sa Santander kay namatay diha-diha human maayong pagkasi-ak sa iyang ulo ingon man pagkapiit sa katunga sa iyang lawas.
Samtang naangol ang iyang amahan nga si Kapitan Margarito, 55, kinsa maoy nagmaniho sa ilang Toyota Vios.
Ang ilang gibanggaan ang wing van truck nga gimaniho ni Ricardo CadeliƱa, 48, minyo, taga Sibulan, Negros Oriental, kinsa gi-kustudiya karon sa kapulisan sa Santander.
Si Sr. Insp. Mikhail Mallorca, hepe sa Santander Police Station nga nahinabi sa Superbalita Cebu, nagkanayon nga si Onlagada maoy nagmaniho sa sakyanan niadtong higayuna nga wa makakita gilayon sa naka-parking nga wing van truck.
Sumala pa niya nga ang amahan ug anak gikan sa doktor sa lungsod sa Oslob kay nagpa-check-up kay mabdos ang naulahi. (GPL)