Mihari

DAVAO. Si Aljon Jimenez sa Team Mythic miatake sa bola atol sa 82nd Araw ng Dabaw Under 19 Open Beach Volleyball Tournament sa Felis Resort Complex sa Matina Aplaya, Sabado, Marso 23. (D’Artagnan Yambao)
DAVAO. Si Aljon Jimenez sa Team Mythic miatake sa bola atol sa 82nd Araw ng Dabaw Under 19 Open Beach Volleyball Tournament sa Felis Resort Complex sa Matina Aplaya, Sabado, Marso 23. (D’Artagnan Yambao)

SILA Palarong Pambansa 2019-bound spikers Dux Euan Labio Yambao ug Aljon Jimenez sa Team Mythic maoy kampeyon sa 82nd Araw ng Dabaw Under 19 Open Beach Volleyball Tournament sa Felis Resort Complex sa Matina Aplaya.

Si Yambao, estudyante sa University of the Immaculate Conception (UIC), ug Jimenez sa Mati National High School, miyabo sa Playgirls Team sa UIC nga sila Eric John Lagare ug Patrick Yap, 21-16, sa gold medal match.

Si Philippine Volleyball Federation (PVF) regional director D’Artagnan Yambao nagsulti nga ang anak niyang sila Euan ug Jimenez mga miyembro sa Davraa boys volleyball team nga motigi sa Palaro, sa Davao City karong Abril 28 ngadto Mayo 4.

Ang Yambao-Jimenez duo mao say midemolis nila ADME’s Jayrad Adeva ug Karl Mejia, 21-5, sa quarterfinals una nakalingkawas sa Davraa players Lourdz Magno ug Kobe Miranda sa Team Maganda-Ateneo de Davao University, 26-24, aron maplastar ang titular showdown tali Playgirls Team, 21-19 winner kontra BVR’s Jan Rusthome S. Pineda sa Assumption College of Davao ug Billie Aldamia sa Brokenshire College of Toril sa semifinals.

Si Maganda nabutang sa ikatulo samtang si BVR mitapos sa ikaupat.

Si Batang Pinoy 2019 Mindanao Leg bronze medal performer Adeva, sa pakighinabi nagsulti nga miapil siya sa torneyo aron makatigum og daghang kasinatian.

Mga mananaug modawat og medalya ug cash prize sa pakontest nga gi-isponsoran sa Sports Development Division sa City Mayor’s Office (SDD-CMO).

Ang Davao Volleyball Association (Dava) nagpasalamat sa Felis Resort, Philippine Volleyball Federation, Tanduay Athletics, Natures Spring, SDD-CMO, Sunstar-Davao ug Mayor Sara Duterte Carpio sa pagsuporta nila sa aktibidad. (Uban sila Lariss Maxinne L. Lopez UG Christine Ruelan, USEP interns)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph